Notebook i fuqishëm nga Asus – N82J

Kompania Asus ka paraqitur modelin N82J – një kompjuter notebook multimedial i cili posedon një varg karakteristikash të cilat e bëjnë një zgjidhje ideale për përdoruesit të cilët kërkoj në një kompjuter të fuqishëm për përmbajtjet e tyre mediale, produktivitet dhe zbavitje.

Modeli N82J është i bazuar në procesorët Intel Core si dhe procesorin grafik NVIDIA GeForce GT335M, derisa në këtë kompjuter mund të integrohen deri në 8 gigabajt të memories së sistemit.

Nga opsionet e tij, ky model përmban mbështetje për transferin super të shpejt të dhënave USB 3.0 si dhe spektër të gjerë përmirësimesh për audio e video përmbajtje.

Kompjuteri përmban edhe opsione për rritjen e rezolucionit të përmbajtjeve DVD deri në Full HD me rezolucion prej 1080p.